Det fyrste området me såg på var eit jarnutvinningsanlegg på Blesterhaugen. To store kolgroper like attmed kvarandre. Kol og slagg over området omkring kolgropene vitnar om at det har vore produsert mykje jarn her. Det verker som det har vore blestring på fleire plasser rundt kolgropene. Det blei funne ei steinansamling som kan ha vore rester av ein blesterogn, men dette er ikkje mogeleg å finna ut av med mindre ein grev og roter i området. Dette er som kjent ikkje lovleg.
Det andre området me såg på, låg høgare opp i terrenget og var ei ansamling på 10-12 små groper, diameter 1 m og litt over. Desse låg tett i tett i to felt like attmed kvarandre. Det blei påvist kol i dei fleste så det er nok kolgroper.
Fin kveldstur i fint terreng. Mest ikkje udott, og dusjregnet kom ikkje før på attendeturen. Desse var med på turen: Valborg Eckblad, Ola K. Randen, Jostein Espelund, Odd Steinar Larsen, Magnar Juvstad, Amund M. Frikstad, Helge Frikstad og Sverre Svindland.
Det er enkelt å finne prov på at det har vore produsert
mykje jarn i dette området.
mykje jarn i dette området.
Og på tampen vart det tid til ein kafferast
i det fine været.
i det fine været.
Tekst og foto: Sverre Svindland