|
|
|
|
 MØTE I ARKEOLOGIGRUPPA
-
Den 27. april 2010 blei det avholdt møte i arkeologigruppa i Heidal Historielag på Weistad. Tilstades: Helge Frikstad, Odd Steinar Larsen og Sverre Svindland. Diverre var det mange det ikkje passa for.
Opplegget for sommersesongen blei drøfta, og her kjem det ei liste med aktuelle turer:
Gudbrandsdal historielag:
Som ifjor vil historielaget også i år arrangere turer/synfaringer til aktuelle prosjekt i dalen. Dette programmet er endå ikkje fastlagt, men det vil bli annonsert på heimesida i god tid.
Andre turer:
 Kvernbru - Valborg Eckblad blir kjentmann på ein tur i gamle måsåfar på Kvernbrua. Tidspunkt blir kunngjort seinare.
Refjellet/Nysetra - Turen ifjor blei ikkje noko av. Kåre Holshagen vil prøve att nå i år. Registrering av elggraver, reinsgraver, kolgroper med meir.
Randsverk - Vi satser på at Kai Valbjør vil vise oss rundt på aktuelle lokaliteter her ei kveldsstund.
Espesetra - Helge Frikstad blir kjentmann på ein tur i desse traktene for å sjå på jernframstillingsplassar og anna.
Jelkedalen - Dersom det blir mogeleg å få med oss ein lokalkjent guide, kan det bli ein lang kveldstur hit for å sjå på diverse lokaliteter, m.a. ei vassveit. Helge Frikstad undersøker med kjentmann.
Andre aktuelle turer/oppgåver:
I samband med det pågåande prosjektet med kvernsteinsbrota i Sjolia er det kome fram ynskje om å registrere så mange lause kvernsteiner i bygda som mogeleg. Me veit at det ligg eindel slike rundt om i bygda. Dette er eit opplegg som blir utarbeid i samråd med NGU og geologer der som er eksperter på kvernstein.
Dersom det er nokon som veit om slike er det fint om de seier ifrå til oss.
Som vanleg vil det dukke opp andre aktuelle turmål i løpet av sommaren. Eindel av turane vil bli annonsert på heimesida og ellers blir varslinga internt innan arkeologigruppa.
|
|
|
 |
|
|
Fleire i arkeologigruppa var diverre hindra frå å møte denne kvelden. Men møtte gjorde f.v.: Helge Frikstad, Sverre Svindland og Odd Steinar Larsen. |
|
|
|
|
|
|
|
|
|
|
|
